Waqt il-programm XOW ta' nhar il-Ġimgħa, il-preżentatur lokali Fabian Demicoli ħabbar li hu u martu Sarah qed jistennew tewmin. Dan ifisser li l-preżentatur Keith Demicoli se jerġa' jsir ziju.
Fabian bi tbissima fuq fommu jgħid, "b'xut wieħed ilqadt tnejn." Keith li kien mistieden ukoll fuq l-istess programm, b'ċajta jgħid li Fabian minibus se jkollu bżonn meta jitwieldu t-tewmin. Fabian u martu Sarah huma saru ġenituri taċ-ċkejken Luigi li għalaq tliet snin ftit tal-jiem ilu.
F'isem it-tim ta' Gwida.mt, nawguraw lil Fabian u lil Sarah l-isbaħ xewqat għal dawn iż-żewġ ġojjelli li ġejjin fid-dinja, nittamaw li kollox imur sew u magħhom jibnu tant memorji sbieħ.
Facebook / Fabian Demicoli
