Claudia Santamaria, tfajla maltija u spanjola li kienet semi-finalista f’Malta’s Got Talent tas-sena 2020, marret viral fuq Tiktok hekk kif rawha 3.6 miljun persuna fuq Tiktok tkanta rendizzjoni tad-diska Voila’ li kienet kantata oriġinarjament Barbara Pravi li rrappreżentat lil Franza fil-Eurovision 2021.
Julien Cohen, tiktoker li għandu iżjed minn 5.2 miljun follower fuq Tiktok, kien qed jiġbed filmat tiegħu nnifsu jdoqq diska fuq pjanu fi stazzjon tal-ferrovija f’Pariġi meta lemħitu Claudia Santamaria u staqsietu jekk jistax idoqq id-diska Voila’. Hi minnufih bdiet tkanta hekk kif hu beda jdoqq u n-nies ta’ madwarhom baqgħu b’ħalqhom miftuħ hekk kif semgħu l-vuċi sabiħa tagħha.
Ħadd ma felaħ jaqla’ għajnejh minn fuqhom u malli spiċċat ir-rendizzjoni ta’ Voila’ kulħadd infexx iċapċap. Prosit Claudia, qed tagħmel lil Malta kburija mmens!
Instagram / itsjuliencohen
