Illum huwa jum importanti immens għall-kantant Mark Micallef Costa u għal martu Roberta Micallef Costa hekk kif qed jiċċelebraw l-anniversarju taż-żwieġ tagħhom. Permezz ta’ kitba fuq il-paġna tiegħu fuq Facebook, Mark qasam mas-segwaċi tiegħu ritratt f’din l-okkażjoni u kiteb, “Bħal dal-ħin, tliet snin.”
Persważ li dawk li jħobbu l-mużika Maltija huma familjari mal-kantant Mark Micallef Costa. Jifforma parti mill-grupp popolari Sterjotipi li bosta jafuhom għall-kanzunetti bħal ngħidu aħna Supereroj u Differenti. Lil Mark rajnieh ukoll jipparteċipa fil-festival Mużika Mużika permezz tal-kanzunetti Ġranet Sbieħ u Fuq Pultruna.
Mit-tim ta’ Gwida.mt nixtiequ nawgurawlkom minn qalbna jum mill-isbaħ u nittamaw li kien eżatt kif xtaqtuh intom!
