Backstage.tv jirritorna lura fuq it-televiżjoni lokali proprju mil-lum! Il-programm maħbub, li waqaf fix-xhur tas-sajf, se jkun qed jixxandar kuljum mit-Tnejn sal-Ġimgħa fis-19:00.
Għal darb'oħra it-tim tal-produzzjoni qed jagħti spazju lill-artisti lokali biex juru t-talent tagħhom billi jkantaw kanzunetti oriġinali mir-repertorju tagħhom live. Dan mhux biss joffri esperjenza unika lill-kantanti, iżda wkoll lill-udjenza li tista' ssegwi u tgawdi minn dawn il-kanzunetti li qed jiġu interpretata mill-artisti Maltin.
Backstage.tv ikompli wkoll bl-isfidi mużikali tiegħu, fejn se naraw diversi parteċipanti jipprovaw jaqtgħu l-kanzunetti li ħejjewlhom it-tim tal-produzzjoni fl-inqas ħin possibbli. Insomma nħejju ruħna għal serata ta’ mużika u logħob kuljum, waqt Backstage.tv!
Titilfuhx!
