Illum qed tiċċelebra għeluq sninha l-kantanta lokali Michelle Mifsud, li tiġi bint il-bravissimu Joe Micallef u oħt Richard Edwards, Wayne Micallef u Daniel Micallef. Michelle kienet parti minn Firelight meta fl-2014 irrappreżentawna ġewwa d-Danimarka fil-Eurovision Song Contest.
Missierha Joe kiteb, "Awguri f'għeluq sninha lill-għażiża bravissima binti li dejjem tkun hemm għalina. Jalla jkollok jum mill-isbaħ waqt li nixtieqlek ħafna mħabba u hena f'din il-ġurnata għażiża tiegħek. Inħobbok."
Xerred diversi ritratti kemm mill-passat kif ukoll aktar riċenti. F'wieħed minnhom tidher tagħmel dak li tant tħobb, iddoqq il-pjanu u tkanta. Ritratt ieħor prezzjuż hu tagħha u ta' missierha Joe fil-jum tat-tieġ tagħha.
Awguri Michelle!
