Skont iċ-ċifri ppubblikati mill-paġna ta’ Facebook tal-Awtorità tas-Saħħa, Malta rreġistrat 121 każ ġdid ta’ Covid-19 wara li saru 3,091 test fl-aħħar 24 siegħa.
Il-post innotat ukoll li “Il-każijiet tal-lum għadhom qed jiġu investigati. Mill-każijiet tal-bieraħ: 19-il każ kienu membri tal-familja ta' każijiet magħrufa qabel, 9 kienu kuntatti ta' kollegi tax-xogħol pożittivi, u 4 każijiet kienu kuntatti diretti ta' każijiet pożittivi oħra. "
Il-gżejjer Maltin irreġistraw 108 irkupru, u b’hekk l-ammont totali ta’ rkupru tela' għal 7,665 u n-numru ta’ każijiet attivi għal 2,071. Minn meta faqqgħet il-pandemija f'pajjiżna, Malta rreġistrat 9,873 każ u wettqet 428,014 test.
